"Насаф"нинг ОЧЛ-2014 плей-оффидаги рақиби яна мағлуб бўлди
12 дек 2013 16:01
Янгиликлар

"Насаф"нинг ОЧЛ-2014 плей-оффидаги рақиби яна мағлуб бўлди

Хабарингиз бор, Қаршининг "Насаф" клуби Осиё чемпионлар лигаси плей-оффи доирасида 8 февраль куни Қатарнинг "Ал Жайиш" клубига қарши ўйнайди.

Кеча Қатар юлдузлар лигаси 12-турида "Ал Жайиш" клуби сафарда "Ар Райян" меҳмони бўлиб мавсумдаги кетма-кет иккинчи мағлубиятини қабул қилиб олди.

Резван Луческу шогирдлари ўтган турда мавсумдаги илк мағлубиятни "Ал Аҳли"дан (2:3) қабул қилиб олишганди. "Жайиш" кеча "Ар Райян"га 0:1 ҳисобида ютқазди.

"Ал Жайиш" ҳамон "Ал Садд" билан биргаликда пешқадамлик қилмоқда. Иккала жамоа ҳисобида 24тадан очко мавжуд. "Насаф"нинг рақиби кейинги турни 15 декабрь куни "Ал Хор"га қарши ўз майдонида ўтказади.

Қатар юлдузлар лигаси мусобақа жадвали

"Ар Райян" - "Ал Жайиш" 1:0
Гол: Родриго Табата 9.
"Ал Жайиш": Сауд Муборак, Рами Фаёз, Андерсон Мартинс, Мурад Нажи, Весам Ризиқ, Вагнер Рибейро, Холид Ал Зрейки (Сеул Ки Го, 46), Матнани (Моҳир Юсуф, 74), Мажид Муҳаммад, Калу Уче, Муҳаммад Жедо (Кембо-Экоко, 60).

Нарзулла Сайдуллаев.

Ҳавола :

Манба : championat.asia

Янгиликларни Телеграмда ўқинг!

Рейтинг: