"Насаф"га қачон кумуш медаллар топширилади? Қачон шартномалар узайтирилади?

Бугун иккинчи йиғинни бошлаши керак бўлган "Аждарлар" молиявий муаммолар туфайли йиғилишмади ҳам. Аллақачон февраль ойи кириб келди, бир ойдан сўнг янги мавсум бошланади, бироқ "Насаф"чилар 2020 йилги кумуш медалларини ҳам қабул қилиб олишгани йўқ. Қизиға? Мураббийлар штаби ва бир қатор етакчи футболчиларнинг шартномалари 31 декабрь куни якунига етган, бироқ ҳамон шартномалар узайтирилгани йўқ. 

Бу қачонгача давом этади? Шу савол билан клуб бош директори Сергей Кучеренкога қўнғироқ қилдик. Сергей Петрович бугун шу масалада учрашув бўлишини маълум қилиб эртага, 5 февраль куни тушдан сўнг саволларимизга батафсил жавоб беришини маълум қилди. Бош директорнинг айтишига қараганда эртага мураббийлар штаби билан шартномалар узайтириш борасида музокара бўлиб ўтади. 

Демак, эртага бу борада ижобий жавоб бўлишига умид қиламиз. 

Нарзулла Сайдуллаев

Реклама