UZ

Сўнгги янгиликлар

01:36"Челси" 2023/24 мавсумни 129,6 миллион фунт фойда билан якунлади. Бир йил аввал клуб 90,1 миллион фунт зарар кўрган эди  0 00:32Холанд учун мавсум якунланди  1 00:15Руни 2010 йилда "Реал"нинг қизиқиши ҳақида: "Мен Месси, Иньеста, Хави билан "Барса" ҳақида кўпроқ ўйлардим"  2 00:06РПЛ. "Акрон" "Ростов"га ютқазди, Эсанов захирада қолди  0 22:07Норвегия клуби дарвозабони ўйиннинг энг яхши футболчиси деб топилди ва уйига 4 "флейка" тухум билан қайтди  13 21:27Руни кўчада ҳожатини чиқаргани учун жаримага тортилиши мумкин  17 20:53U21 биринчилиги. "Бунёдкор"дан 7та гол, "Пахтакор"дан мағлубият, "Қўқон-1912"дан яна камбэк ва бошқа натижалар  0 19:51"Манчестер Сити" мухлислари чипта сиёсатига қарши норозилик намойиши уюштирмоқчи  4 19:25"Ливерпуль" Италия терма жамоаси ярим ҳимоячисини сафига қўшиб олмоқчи  5 19:00Transfermarkt ва Championat.asia Ўзбекистон Суперлигасининг март ойидаги энг яхши мураббийи ва футболчисини аниқлади  10 18:50"Футбол олами". "Пахтакор"да яна мағлубият, Жиззахда сенсация, "Нефтчи"да яна дуранг  5 18:20Саудия Арабистони клублари Винисиусга Роналдуникидек шартнома таклиф қилмоқда  4 17:59"Милан" ярим ҳимоячиси касалхонага ётқизилди  0 17:35"Тоттенхэм" "Манчестер Сити" тажрибали футболчисини сотиб олмоқчи  4 17:06"Челси" юлдузига айланган МЮ мухлиси!  1

"Насаф" ва "Сўғдиёна" халқаро майдонда битта ватан номидан майдонга чиқади" - Шоҳруз Норхонов Янгиликлар

"Насаф" ва "Сўғдиёна" халқаро майдонда битта ватан номидан майдонга чиқади" - Шоҳруз Норхонов

Теглар :  СўғдиёнаНасаф
2021 йилги Суперлигани иккинчи ўрин билан якунлаган "Сўғдиёна" жамоаси бу мавсумда ОФК кубогида иштирок этади.

"Насаф" ОЧЛ плей-офф учрашувида сафарда "Банияс"ни мағлуб этиб бир ўқ билан икки "қуён"ни урди. Аниқроғи "аждарлар"нинг ўзи ОЧЛ гуруҳ босқичига йўлланма олган бўлса, "Сўғдиёна"ни ОФК кубогига олиб чиқди. Жиззах шаҳри жамоаси мазкур янгиликни қандай қабул қилди? Жамоанинг ҳужумчиси Шоҳурз Норхонов championat.asia сайти мухбири билан суҳбатда шу ва бошқа саволларга жавоб бериб ўтди. 


"Насаф" "Банияс"ни мағлуб этиб, ўзини ОЧЛга, "Сўғдиёна"ни эса ОФК кубогига олиб чиқди


- "Сўғдиёна" жамоасидагилар "Банияс" - "Насаф" учрашувини қандай руҳда кузатди ва якуний натижани қандай қабул қилди? Боиси "аждарлар"нинг ғалабаси сизларни ОФК кубоги гуруҳ босқичида қатнашишингизни таъминларди...

- Фикрингизга қўшиламан. Ўтган мавсум бежиз иккинчи ўринни қўлга киритмадик. Эндиликда ОФК кубогида буни исботламоқчимиз. Мақсадимиз халқаро майдонда тўп тепиш эди. Бу билан жиззахлик мухлисларни табриклайман. "Насаф" кеча рақибига қараганда ақлли ва кучли ўйнади. Улар ўзлари учун ОЧЛ, биз учун ОФК кубоги эшикларини очишди. Шу билан бир қаторда ўзбек клубларининг кучини кўрсатишди. "Насаф"га халқаро мусобақалардаги ҳар бир учрашувда омад тилайман. Суперлигада рақибмиз, аммо халқаро миқёсда барчамиз битта ватан - Ўзбекистон номидан қатнашамиз. 

- "Насаф" қишки ўқув-машғулот йиғинларида ОЧЛда иштирок этишини инобатга олган ҳолда ҳам тайёрланди, таркибини сақлаб қолиб кучайтиришга эришди. "Сўғдиёна" ҳам ушбу жиҳатни ҳисобга олганмиди?

- Қишки йиғинларда тайёргарлик ажойиб ўтди. Туркияда кучли рақиблар билан ўйинларда қатнашдик. Мазкур турнирда қатнашиш насиб қилган экан, нима ҳам деймиз. Бор кучимизни ишга солган ҳолда нималарга қодирлигимизни кўрсатишга ҳаракат қиламиз. 

- Жамоа гуруҳ босқичида Тожикистон, Туркманистон, Қирғизистон клублари билан тўқнаш келади. Рақибларнинг даражаси олдиндан эрта хотиржамликка берилишига олиб келмайдими?

- Мусобақага ўз чемпионатининг кучлилари келади. Ҳар бир рақибни ҳурмат қилиш шарт. Акс ҳолда ёмон оқибатларга олиб келиши мумкин. Майдонга чиқамиз ва ғалаба қозонамиз, тамом. 

- Ўтган мавсум ОФК кубогида "Насаф" финалга қадар етиб бориб муваффақиятсизликка учради. "Сўғдиёна" жорий йилда бош совринга эга чиқишни мақсад қилганми?

- Барчасига ўйинлар бошлангач ойдинлик киритиб оламиз. Ҳозир бу ҳақида ўйлашнинг мавриди эмас. Ҳаммасини вақт кўрсатади, деб ўйлайман. 

- "Сўғдиёна"нинг Суперлига стартидаги ўйини мақтагулик даражада эмас...

- Ҳали мавсум олдинда. Кузда қилинган ишларнинг самарасини кўрамиз. Насиб қилса, яна яхши ўринларни эгаллаймиз.

Муаллиф : Iskandarov Abdulaziz
Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика