"Насаф" сафида 19 ёшли футболчи олий лигада дебют қилди

Айнан ўша учрашув ўтказилган санада роппа-роса 19 баҳорни қарши олган қаршилик футболчи “Насаф” футбол мактаби тарбияланувчиси ҳисобланади. 2010 йилдан мактабига қабул қилинган Дониёр ўша пайтда футбол мактаби мураббийлари Нурали Султонов ва Баҳодир Аннаматов бошчилигидаги гуруҳда таҳсил олган. Ўтган 2013 йилги мавсумда ўринбосарлар жамоасида ўзини кўрсата олган ёш футболчи 2014 йилдан бошлаб “Насаф”нинг асосий жамоасидан чақирув олди.  Бу билан жамоамиз асосий таркибидан “Насаф” футбол мактаби тарбияланувчилари сони 3 тага етди. Бунгача Одил Ҳамробеков ва Нажмиддин Нормуродов жамоа асосий таркиби билан машғулотлар ўтказиб келаётганди.

Умуман олганда Рўзиқул Бердиев қўл остида жамоа ўринбосарлар таркибидан жамоанг асосий таркибига мунтазам равишда ёш футболчилар жалб этиб келинмоқда. Ўтган мавсумларда дарвозабон Элдорбек Суюнов, ҳужумчи Азамат Алланиязов, ярим ҳимоячи Шоҳруҳ Гадоев, Улуғбек Дадабоев, Фарруҳ Сайфиев сингари футболчилар айнан ўринбосарлар таркибидан асосий таркибга таклиф этилган бўлиб, бугунги кунда улар доимий равишда жамоа асосий таркибидан жой олиб келишмоқда.