"Насаф" бугун "Металлург"дан ўч оладими?

15 октябрдан эътиборан Суперлиганинг 22-тур баҳслари давом этади. Бекободнинг "Металлург" клуби мазкур тур доирасида бугун Қаршида меҳмон бўлади.

Насаф Умар Эшмуродов - 12'

Суперлига. 22-тур 15/10/2021, 18:30 0 : 1 Тугади

Металлург

45'

90'

12'  Умар Эшмуродов

51'  Баҳром Абдураҳимов

61'  Баҳром Абдураҳимов (Андрия Калудерович)

69'  Дониёр Нарзуллаев (Сухроб Нуруллоев)

69'  Дилшод Саитов (Ҳусниддин Алиқулов)

81'  Ҳусайин Норчаев (Шоҳмалик Комилов)

81'  Марко Станоевич (Абубакрризо Турдалиев)

43'  Худойшукур Сатторов

48'  Худойшукур Сатторов

57'  Саламат Қутибоев (Маҳмуджон Қудратиллаев)

57'  Дилшод Раҳматуллаев (Муҳаммад Исаев)

57'  Акбар Исматуллаев (Абдурахмон Абдулхақов)

66'  Муҳаммад Исаев

71'  Дамир Темиров (Руслан Розиев)

Матч-центрда очиш

Айни пайтда "Насаф" Жасур Абдураимов шогирдларидан 17 очко олдинда бораётган бўлса-да, 1-даврадаги ўйинда "Металлург"га имкониятни бой бериб қўйган эди (2:1). 23 июнь куни ўтказилган учрашувда Зоҳид Абдуллаев ва Саломат Қуттибоевнинг голларига "аждарлар" сафида Шоҳмалик Комилов 1 бор жавоб қайтарган. 

Агар бугун ҳам "Металлург" 3 очко олса, тарихда илк бор мавсумнинг ҳар иккала баҳсида "Насаф"ни енгади. Маълумот учун, 19 август куни ўтказилган Ўзбекистон кубогининг нимчорак финалида "Насаф" "Металлург устидан 5:2 ҳисобида зафар қучган. Бироқ, у бошқа турнир ҳисобланади.

Ўзбекистон чемпионатлари тарихига назар солсак, "Насаф" ва "Металлург" клублари 48-бор ўзаро қаршилашиши ойдинлашади. Бу клублар илк бор 1998 йилги мавсумда тўқнашишган. Шундан буён ўтказилган 47 баҳснинг 29 таси "аждарлар" фойдасига ҳал бўлган, 12  ўйинда бекободликларнинг қўли баланд келган (6 дуранг). 

Тўплар нисбати борасида ҳам мутлақ устунлик "Насаф" томонидан — 78:38 (+40). 

"Марказий" стадионда ўтадиган ўйинда Зокир Қодиров бошчилигидаги ҳакамлар бригадаси ҳамда ВАР тизими ишлайди.

Coca-Cola Суперлига. 22-тур

15 октябрь, жума

18:30 - НАСАФ – МЕТАЛЛУРГ

Ҳакамлар: Зокир Қодиров, Абдуҳамидулло Расулов, Александр Сидоров, Фарруҳ Янсупов

Назоратчи: Темур Абдуллаев

VAR ҳаками: Азиз Асимов

VAR ассистент: Тимур Гайнуллин

VAR назоратчиси: Валентин Коваленко

Комиссар: Шоҳруҳ Саид

Маълумот учун, навоийлик рефери Суперлиганинг жорий мавсумида "Насаф" иштирокидаги 3 ўйинни бошқарди. Улардан фақат биттасида Рўзиқул Бердиев шогирдларининг қўли баланд келган. 

16-тур. "Насаф" 0:1 "Навбаҳор"

13-тур. "Локоматив" 2:0 "Насаф"

11-тур. "Қўқон-1912" 1:2 "Насаф"

Қодиров "Металлург" ўйнаган ўйинларда 2 бор ишлади (бири Ўзбекистон кубоги доирасида).

15-тур. "Бунёдкор" 2:0 "Металлург"

ЎК (1-тур). "Металлург" 2:0 "Янгиер"

Нима деб ўйлайсиз, Тошкент вақти билан 18:30 да старт оладиган баҳсда "Насаф" 1-даврадаги мағлубият учун қасос олишни уддалайдими?

Тарихий голни Нестеров "қучоқлади"