"Насаф" - "Ал Файсали". Ўйинолди матбуот анжумани қачон бўлади?

Ушбу учрашувдан бир кун аввал, яъни 29 январь душанба куни ўтказиладиган расмий тадбирларнинг вақтлари аниқ бўлди.

Демак, соат 11:00да бошланадиган ўйинолди матбуот анжуманининг дастлабки қисмида, жамоамиз устози Рўзиқул Бердиев ва бир нафар футболчи иштирок этади.

“Насаф”нинг ўйинолди расмий машғулоти соат 15:00да бошланади.

“Ал Файсали” жамоасининг ўйинолди расмий машғулоти эса соат 16:00да бошланади.

Журналистларга расмий машғулотларнинг дастлабки 15 дақиқасини кузатиш имконияти берилади.

“Ал Файсалий” клуби вакиллари иштирокидаги матбуот анжумани соат 17:00да бошланади.

Ҳар иккала клуб расмийлари иштирокидаги митинг эса, 30 январ куни эрталаб соат 9:00да бўлиб ўтади. Унда бир қанча ташкилий масалалар қатори, жамоаларнинг қандай либосда майдонга тушишларига аниқлик киритилади.

Расмий тадбирларнинг барчаси “Марказий” стадионда ўтказилади.

Ушбу тадбирларда "Насаф" клуби томонидан аккредитациядан ўтган журналистлар иштирок этишлари мумкин.

Аккредитациядан ўтган журналистларга, рухсатномалар 29 январь душанба куни соат 10:30дан бошлаб  “Марказий” стадионда тарқатилади.