"Наполи" ҳужумчи излашда давом этмоқда. Неаполь клубига ўтиш учун навбатдаги номзод норвегиялик Александр Серлотдир.
24 ёшли футболчининг трансфер ҳуқуқи "Кристал Пэлас"га тегишли, аммо кейинги йилнинг июнига қадар ўйинчини "Трабзонспор" ижарага олган.
Норвегиялик жорий мавсум 39та ўйинда майдонга тушиб, 25та гол ва 7та ассистга эришган. Серлот 19та гол билан Туркия Суперлигаси тўпурарлар жадвалини бошқариб бормоқда.
Ўйинчининг "Кристал Пэлас" билан тузган шартномаси 2022 йилнинг ёзига қадар мўлжалланган.
