"Реал" ҳимоячиси Начо Фернандес ўз қадрдон клуби билан шартномани узайтирганини эълон қилди. Начонинг амалдаги шартномаси шу йил июнь ойида якунланиши керак эди.
"Ўз клубим ва оилам билан қўл ушлашиб кетмоқдаман. Бошқа клублардан таклифлар етарлича, аммо мен яна бир йил клубда қолишга қарор қилдим. Бундан жуда ҳам хурсандман", -дейди Начо Фернандес.
Маълумот учун, Начо "Реал" тарбияланувчиси ҳисобланади. У бутун фаолиятини Мадрид клубида ўтказган.
