МЮ собиқ дарвозабони клубда ўтказган даврини ёқтирмаслигини айтди

Посбон 2005 - 2010 йиллар мобайнида МЮ тизимида тўп тепган. Бу вақт оралиғида у бор йўғи 23 та учрашувда майдонга тушиб, икки бор Лига Кубогида зафар қучган. Манчестерликлар дарвозасини ўшанда Эдвин ван дер Сар ва Тим Ховард ҳимоя қилишган.

"Ҳозир ўша даврлардаги, "Манчестер Юнайтед" сафидаги ўзимга қарасам, тўғриси, бу мен эмасман. Шу қадар ғўр эдимки, ҳаётда ҳеч нимани тушунмаган эканман, фақат атрофимга қараб юраверганман.

Ўзимни ноқулай ҳис қилардим, хато қилишдан қўрқардим ва дунёдагилар мен ҳақимда нима дейишидан хавотир олардим. Бу эса анча ёмон ҳолат".