UZ

Сўнгги янгиликлар

01:17Максим Шацких: “Трансфер ойнаси ёпилгунича 2-3 нафар янги ўйинчи оламиз”  1 00:55"Андижон" назорат ўйинида Тожикистон жамоасини мағлуб этди  1 00:41Футболга қайтиш муборак: "Байер" Эрик тен Хагнинг дебют ўйинида йирик ҳисобда мағлуб бўлди  4 00:21"Манчестер Сити" Траффорд билан шартнома имзолаши мумкин  2 23:59"Ақлдан озаётган" "Тоттенхэм" ўз тарихидаги энг қиммат трансферни амалга оширишга тайёрланмоқда  2 23:46Алишер Одилов "Навбаҳор"ни тарк этди  3 23:24Микель Артета: "Мадуэке - АПЛнинг энг яхши ҳужумчиларидан бири"  1 22:50Месси Ямалга қарши: Финалиссима қачон бўлади?  6 22:20Исак "Ал Ҳилол"га ўтиши мумкин  1 21:53"Милан" Спортьеллони собиқ жамоасига қайтариб юборди  0 21:33Гампер Кубоги учун ўйин қаерда бўлади?  4 21:14Расман: Нони Мадуэке - "Арсенал" футболчиси!  5 20:52"Насаф" назорат ўйинида "Машъал"дан устун келди  2 20:10"Милан" Модрич ёрдамида "Реал" аъзоси билан музокара ўтказмоқда  0 19:45Моуринью: "Португалияга қайтаман. Фаолиятим охирида эмас, чўққисида"  2

Муносабат. Расмий ўйинлар бекор бўлганидан кейин ФИФА кунларини сақлаб қолгандан не фойда Янгиликлар

Муносабат. Расмий ўйинлар бекор бўлганидан кейин ФИФА кунларини сақлаб қолгандан не фойда

ОФК расмий сайти бу йил ҳисобидан миллий терма жамоалар иштирокидаги ЖЧ-2022 саралаш баҳслари кейинги йилга қолдирилганини маълум қилди.

Яхши биласиз, Ўзбекистон миллий терма терма жамоаси 13 октябрь куни сафарда Яман, 12 ноябрь ўз майдонида Сингапур ҳамда 17 ноябрь сафарда Саудия Арабистонига қарши ЖЧ саралаш баҳсларида майдонга тушиши лозим эди. Демак, бу ўйинлар ҳам бекор бўлди. 

Халқаро даражадаги ўйинларни қолдириш орқали ОФК тўғри қарор қабул қилди. Чунки кўп жойларда ҳамон аҳоли коронавирус балосидан азият чекмоқда. Бунинг устига куз ойларига бориб халқаро рейслар тикланадими-йўқми, бир нарса дейиш қийин.

Лекин расмий ўйинлар бекор қилингани билан ФИФА кунлари сақлаб қолинар экан, терма жамоамиз бош мураббийи Вадим Абрамов сайтимизга берган интервьюсида расмий баҳслар ўрнини ўртоқлик учрашувлари билан тўлдиришни айтиб ўтди. 

Энди савол туғилади: ОФК расмий учрашувларни бекор қилган бир пайтда ўртоқлик ўйинларидан не фойда? Мана яқинда битта йиғин ўтказилди. Бу нима фойда берди? Ҳеч нима. Барибир расмий баҳсда бошқалар ўйнаши маълум-ку. Шу боис ҳозирги ҳолатда энг тўғри йўл бу йил ҳисобидан миллий терма жамоани бошқа йиғмаслик бўлиб қоляпти. Чунки ФИФА кунлари бўлгани билан шу кунларни Суперлига ва Кубок ўйинларига ажратган маъқул, агар ўтказилса! 

Терма жамоани эса тинч қўйиш керак. Ундан кўра, легионерларимиз ўз клубларига мослашсин, машғулот ўтказиб ўша ерда юраверсин. Уларни чақириб оворагарчилик қилгандан бирон наф кўрмаяпмиз. Абрамов ҳам яхшиси буёғига фақат "Бунёдкор"ни ўйлагани маъқул. Сентябрда Тожикистон ва Эронга қарши ўртоқлик ўйинлари бўладими? Бир нарса дейиш. Чунки ЎФА бўлади ҳам демади, йўқ ҳам демаяпти. Ҳамма вазият қандай тус олишини кутяпти. Агар имкони бўлса, бу иккита ўйинни ҳам бекор қилиш керак.

Худо хоҳласа буёғи яхши бўлиб кетса, терма жамоани келаси йил йиғиб ҳам тайёргарлик кўрса бўлади. Чунки бу йилги йиғинлар ва октябрь-ноябрдаги ўртоқлик учрашувлари ҳеч нарса бермайди. Ундан кўра Суперлига билан Кубок ўйинларини тугатиб қўйишни ўйлаган яхши. Чунки ҳамма жойда ички чемпионатлар давом этяпти. 

Айтайлик, ОФК клубларни Қатарга йиғиб ОЧЛ баҳсларини ўтказиши мумкин, бироқ миллий терма жамоа ҳар доим ўз майдонида ва ўз мухлислари кўз ўнгида ўйнаши керак. Шуни ҳисобга олиб ҳам ОФК бир қарорга келди. Биз эса Ўзбекистон миллий терма жамоасини безовта қилмаган маъқул деб ўйлаймиз.

Муаллиф : Xayrulla Xoliqov
Рейтинг: +14   

Фикрлар

championat.asia
< сўнгги янгиликларни кўриш
Яндекс.Метрика