Муҳаммадрасул Абдумажидов легионерга айланмоқда

 Championat.asia сайти маълумотига кўра, футболчи бугун Бишкек-Истанбул-Брюселль йўналишида учиб кетди. Эртага Абдумажидов тиббий кўрикдан ўтади ва ҳаммаси яхши бўлса Бельгиянинг "Стандард" клуби билан шартнома тузади.  
"Пахтакор" клуби ёзги трансфер ойнасида бир йўла икки футболчисини Бельгияга сотмоқда. Ёш футболчиларимиз араб давлатларини эмас Европани танлаётгани ва "Пахтакор" уларни қўллаб-қувватлаётгани қувонарли ҳол.

Маълумот учун, Абдумажидовнинг ҳуқуқларини "Football Group" агентлиги ҳимоя қилади. Ушбу агентлик ўзбекистонлик кўплаб футболчилар билан ишлайди. Улардан энг машҳури Абдуқодир Ҳусанов ҳисобланади.