Муҳаммадали Ўринбоев: "Мақсадимиз - Жаҳон чемпионатида Ўзбекистоннинг энг яхши натижасини қайд этиш"
25 сен 15:12
Янгиликлар

Муҳаммадали Ўринбоев: "Мақсадимиз - Жаҳон чемпионатида Ўзбекистоннинг энг яхши натижасини қайд этиш"

Теглар : U-20 Осиё Кубоги саралаши Муҳаммадали Ўринбоев

Ўзбекистон U-20 терма жамоаси сардори ва етакчиси Муҳаммадали Ўринбоев Непалга қарши баҳсдан кейин championat.asia сайтига интервью берди.

"Дастлабки иккита баҳс биз учун синов ўйинлари эди. Чунки ўз олдимизга катта мақсадларни қўйганмиз. Кейинги иккита баҳсда ҳам ғалаба қозониб, юз фоизли натижа билан, гол ўтказмай, Осиё кубогига чиқмоқчимиз. Биз Осиё кубоги орқали Жаҳон чемпионатига йўлланма олиб, мундиалда Ўзбекистон тарихида қайд этмаган энг яхши натижага эришмоқчимиз.

Жамоамиз жуда кучли, Камбоджани 7:0, Непални 6:0 ҳисобида мағлуб этдик. Хитой Тайпеи ва Баҳрайнга қарши учрашувларда ҳам йирик ғалабаларни қўлга киритишни хоҳлаймиз. Лекин бир нарсани тўғри тушуниб турибмиз, йирик ғалабалардан кейин ҳаволаниб кетиш ёки бўшашиш керак эмас", - деди Муҳаммадали Ўринбоев.

Маълумот учун, Ўринбоев дастлабки иккита учрашувда 1та гол урди ва 4та голли узатмани амалга оширди.

Ҳавола :

Манба : championat.asia

Янгиликларни Телеграмда ўқинг!

Рейтинг: +5