Муҳаммад Зоиров “Нефтчи”га қарши ўйиндан кейин нималар деди?

Хусусан Тошкентнинг “Пахтакор” жамоаси “Нефтчи”ни қабул қилди. Қизиқарли кечган ўйинда “шерлар” 3:2 ҳисобидаги ғалабани қўлга киритди. Мазкур беллашувдан сўнг “Пахтакор” футболчиси Муҳаммад Зоировнинг фикрларига қулоқ тутдик. 

“Бугун жуда қийин ўйинни ўтказдик. Ғалабага ҳам осонликча эришганимиз йўқ. Ғалаба қозонган бўлсак-да, ўйин борасида қониқиш ҳосил қилмадик. Чунки ўз даражамизда ўйнай олмадик. Тўғриси, “Нефтчи” ҳам яхши жамла экан. Буни майдондаги ҳаракатлари билан намойиш эта олди. Тан олиш керакки, “Нефтчи”да ҳам кўплаб вазиятлар юзага келди. 

Биринчи бўлимда киритиб олган голларимиз бизнинг ғалабамизга пойдевор бўла олди дейиш мумкин. Муҳими, уч очко қўлга киритдик. Бундан жуда хурсандман.

Тўғрими, мавсум аввалида таркибимизда катта ўзгаришлар юзага келди. Шунга қарамай, жамоамиз чемпионлик учун курашади. Бу йўлда бизни жиддий рақиблар кутиб турган бўлса-да, биз мавсум якунига қадар мақсадимизга эришиш учун курашамиз”, - дея сўзини якунлади Зоиров.