Муҳаммад Чиҳ: "Ўзбекистон Коста-Рикага қараганда кучлироқ рақиб ҳисобланади"

"Бугунги ўйин биз учун жуда муҳим эди. Кейинги босқичга чиқиш учун мазкур ғалаба қозонишимиз керак эди. Гувоҳи бўлганингиздек, ўйин 2:2 ҳисобида якунланди. Бизда икки очко мавжуд ва кейинги босқичга чиқиш имконияти ҳозирча жуда мураккаб. Эндиликда кейинги босқичга йўл олиш учун Парагвайга қарши ўйинда ғалаба қозонишга тайёр бўлишимиз керак.

Бугунги ўйин юқори темпда ўтди. Ҳисобни 3:1, 4:1 кўринишига келтиришимиз мумкин эди. Жуда кўп имкониятларга эга бўлгандик, бироқ вазиятларни аниқ якунлай олмадик. Шу боис дуранг қайд этилди.

Ўзбекистон ва Коста-Рика билан ҳам дуранг ўйнадик. Менимча, уларнинг иккаласи ҳам тенг кучли жамоалар эди. Аммо Ўзбекистон хавфли вазиятлар ва бурчак зарбаларини кўп юзага келтирди. Айниқса, 8-рақамли футзалчи (Ҳусниддин Нишонов — таҳририят) бизга кўп қийинчилик туғдирди. Коста-Рика жисмоний жиҳатдан кучли жамоа, бироқ Ўзбекистонга қарши ўйин қийинроқ ўтди", деди Чиҳ.

Эслатиб ўтамиз, Нидерландия терма жамоаси жаҳон чемпионатининг илк турида Ўзбекистон (3:3), 2-турда эса Коста-Рика (2:2) билан дуранг ўйнади. "Лоларанглилар" сўнгги турни Парагвайга қарши ўтказади.

Оқил Абдубарноев суҳбатлашди.