Самвел Бабаян шогирдлари ҳар куни машғулот ўтказишмоқда. Кеча Россия чемпионати доирасида бир бирларига қарши ўйнаган икки ҳамюртимиз Одил Аҳмедов ва Виталий Денисов бугун Тошкентга учиб келишади. Бу икки футболчи эртадан машғулотларга тўлақонли қўшилишлари кутилмоқда.
Эслатиб ўтамиз, Ўзбекистон - Сурия учрашуви 1 сентябрь куни Тошкентдаги "Бунёдкор" стадионида бўлиб ўтади. Баҳс соат 20:00да бошланади.
