Моуриньюни Туркияга таклиф қилишди

"Фенербахче" собиқ президенти Азиз Йилдирим навбатдаги сайловларда президентликка номзодини қўйишини маълум қилди. 

Йилдирим португалиялик мураббий Жозе Моуринью билан икки соат суҳбатлашганини таъқидлади: “Ўтган ҳафта шахсан Моуринью билан учрашдим. Икки соатлик суҳбатимиз якунида мен унга: Фенербахче сенга, сен эса Фенербахчега керак деб айтдим”. 

Шунингдек, у президентлик сайловларида ким ғалаба қозонишидан қатъи назар, Моуриньюни Фенербаҳчега келишга ундаганини қўшимча қилди.