29 ёшли футболчининг Римга ўтиши мумкинлиги ҳақидаги миш-мишлар ўтган ой охирида пайдо бўлганди. Таниқли инсайдер Николо Скиранинг янгиланган ҳисоботида маълум қилинишича, келишувни шахсан Жозе Моуринью маъқуллаган ва у "Тоттенхэм"даги фаолиятидан биладиган инглизнинг қобилиятларини юқори баҳолайди. Катта эҳтимол билан январда "Рома" центрбекни ўз сафига қайтаришга ҳаракат қилади.
Эрик Дайернинг "Тоттенхэм" билан шартномаси мавсум охирида тугайди ва футболчининг ҳозирги нархи Transfermartk экспертлари томонидан 18 миллион еврога баҳоланмоқда.
