Моуриньо сабаб "Челси"дан кетган 10 нафар юлдуз

Петр Чех. Моуриньо Чехнинг кетишини унча истамаган. Бироқ, Тибо Куртуа сабаб чехиялик посбон жамоада қолишни истамаган. Шунингдек, суратда Ева Карнейро ҳам бор...

Давид Луис. Бразилиялик ҳимоячининг Моур билан "юлдузи юлдузига тўғри келмаган". Бу орада эса ПСЖдан ҳимоячи учун 50 миллионлик таклиф чиққан.

Фелипе Луис. "Атлетико"даги ёрқин ўйинлари сабаб ҳарид қилинган футболчи бир йилдан сўнг яна собиқ жамоасига қайтиб кетган



Райан Бертран. 7 маротаба бошқа жамоага ижарага берилган "Челси" тарбияланувчиси Моуриньога маъқул келмаган ва "Саутгемптон"га сотиб юборилган.



Кевин де Брюйне. Моурнинг катта хатоларидан бири. "Вольфсбург"га 16,5 миллион фунтга сотиб юборилган футболчи Бундеслиганинг энг яхши футболчиларидан бирига айланади. Сўнгра "Манчестер Сити" бельгиялик футболчини 55 миллион фунт эвазига ҳарид қилган. (Де Брюйненинг олдидаги футболчи эса Демба Ба турибди, у ҳам жамоадан ўрин ола билмаган).



Хуан Мата. Моуриньо келгунича испаниялик футболчи кетма-кет икки мавсум "Челси"нинг энг яхши футболчиси бўлганди. Португалиялик мураббий уни "Манчестер Юнайтед"га сотиб юборган.



Муҳаммад Салаҳ. Ушбу футболчи ҳам Моуриньо қўл остида ўзини кўрсата олмаган.



Андре Шюррле. Умуман олганда ёмон футболчи эмас. Моуриньо "Челси"га қайтганида биринчилардан бўлиб айнан Шюррлени ҳарид қилганди. Аммо, лекин, бироқ...



Хуан Куадрадо. Колумбиялик футболчига "Челси"да деярли имкон берилмаган...



Ромелу Лукаку. Бельгиялик футболчи ҳозирги кунда "Эвертон"нинг асосий футболчиларидан бири ҳисобланади. Бироқ, нимагадир португалиялик мураббий ушбу футболчига ҳар доим ҳам имкон беравермаганди.

sports.ru сайти асосида тайёрланди