Моуриньо: "МЮ "Бавария" каби рақибларининг кучли футболчиларини харид қила олмайди"

"Инглиз футболида янги давр. Биз Германия эмасмиз. У ерда "Бавария" ёздаёқ чемпионга айланади. Улар Дортмунднинг "Боруссия"сидан яхши футболчиларни харид қилишади. Бир йил Роберт Левандовски, кейингисида Марио Гётце, янаги йил Матс Хуммельс. Шу йўл билан улар ёзда чемпионга айланишади.

Мен "Тоттенхэм"дан икки кучли футболчини харид қила оламан деб ўйлайсизми? Йўқ. "Арсенал" ёки "Челси"дан энг зўрларини сотиб ололмайман. Асосий рақибни бу йўл билан мағлуб этадиган пайтлар ўтиб кетди. Агар сиз улардан футболчи харид қилсангиз, ўша ўйинчи уларга керак эмас. Энди трансферлар билан рақибга зарар келтириб бўлмайди.

"Реал", "Бавария", "Барселона" ва ПСЖ ўзи истаганларни сотади. Ҳозир муваффақиятли трансфер амалга ошириш жуда қийин" - дейди Моуриньо.