Моуриньо Ибрадан миннатдор

“Мен Ибраҳимовичнинг ўзига хос феъл атвор эгаси ва юқори савиядаги футболчи эканлигини биламан. Мен уни бугунги МЮ таркибида катта ҳажмдаги иш бажара олишини билардим. Унга АПЛ бу дам олиш учун тўп тепиладиган чемпионат эмаслигини таъкидлаганман. Ўтмишдаги фаолияти муваффақиятли кечган футболчи дам олишни истаса, Англияга келиб ўтирмайди. Туманли Албионга келадиган  ҳар бир футболчи дунёнинг энг қийин лигасига тўп тепишлари лозимлигини яхши билишади. Бу ерда кимнинг даражаси ва тажрибаси қанчалик эканлигини тезда билиб олиш мумкин. Златаннинг АПЛда тўп тепишга сабаб ҳам шу аслида.  Мен унинг Юнайтеддаги фаолиятидан мамнунман. Гап фақат у киритаётган голларда эмас. Голлари билан бирга ундаги ғолиблик руҳи, майдонга чиқиб ғалаба қозонишга бўлган интилиши мени қувонтиради”, дейди португалиялик мутахассис.