Моуриньо: “Аякс” ЕЧЛда ғолиб чиқиш имкониятига эга”

“Шундай жамоалар борки, улар доим маълум масъулиятни ҳис қилиб майдонга тушишади. Айниқса, улар бой тарихга эга бўлишса... “Барселона”, “Бавария” ва барча инглиз жамоалари ушбу мусобақада фақат совриндор бўлиш учун иштирок этишмоқда. “Аякс” ҳақида ҳеч ким ўйламаяпти. Аммо голландияликлар айни пайтда бу соврин учун курашда давом этишмоқда ва уларда ҳам кўҳна қитъанинг энг муҳим мусобақасида ғолиб чиқиш имконияти мавжуд. Улар “Ювентус”га қарши ортиқча босимларсиз ҳаракат қилишиб, аслида нималарга қодир эканликларини намойиш этишди. Таъкидлаш жоизки, “Аякс” футболчилари сўнгги мавсумларда натижаларини анча яхшилаб келишмоқда. Жамоа таркибида юқори савиядаги ижрочилар етишиб келмоқда”, дея португалиялик мутахассиснинг сўзларидан иқтибос келтирмоқда “RT на русском” нашри.