Мората "Барселона"га ўтишга яқин келган
21 сен 2022 17:15
Янгиликлар

Мората "Барселона"га ўтишга яқин келган

"Атлетико" ҳужумчиси Альваро Мората ўтган йили январь ойидаги трансферлар чоғида "Барса"га ўтишига бир баҳя қолган.

Футболчининг шахсан ўзи ошкор қилишича, у ҳатто Каталония клуби устози Хави билан унинг "Камп Ноу"га ўтишини муҳокама қилган. Ўша пайтда у ижара асосида "Ювентус"да ҳаракатланаётган эди.

Икки йиллик ижарадан сўнг жорий мавсум бошида "Атлетико"га қайтган ҳужумчи бу борада:

"Танловлар бўлган эди. Мен Хави билан гаплашдим. Биз футбол ва бошқа нарсалар ҳақида гаплашдик. Ёшлигимда мен ҳурмат қилган собиқ футбол юлдузи ва мураббий Хави билан суҳбат қуриш менга ёқимли туюлди. Январь ойида менда 4 ё 5 та танлов имконияти бор эди. "Ювентус" мураббийи Аллегри қолишимни хоҳлади. Аллегри мени жамоада қолишга кўндирди ва (Душан) Влахович билан ўйнашимни истади", – деди.

Ҳавола :

Манба : ESPN

Янгиликларни Телеграмда ўқинг!

Рейтинг: +1