Мўйдин Мамазулунов “Машъал”га ўтди

Якунига етган мавсумнинг биринчи ярмини “Олмалиқ”да, иккинчи даврани эса “Гулистон” таркибида ўтказган Мўйдин Мамазулунов “Машъал” билан шартнома тузди. Истеъдодли ҳужумчи “газчилар” билан бир йиллик шартномага имзо чекди.
 
1984 йилнинг 22 январида туғилган Мамазулунов бу йил ҳисобидан “Олмалиқ” таркибида 6та ўйинда иштирок этиб битта гол урган бўлса, “Гулистон” сафида 13та беллашувда майдонга тушиб, 10та гол уришнинг уддасидан чиқди.
 
Келаси йилдан бошлаб у “Машъал” либосида ўзинини кўрсатишга ҳаракат қилади. Биз жамоамиз сафига янги келиб қўшилган ҳужумчига омад тилаб қоламиз.