​Модричдан кейин навбат Кроосга келди

АS нашрининг ёзишича, “Реал Мадрид” ярим ҳимоячиси Тони Кроосга “Интер” жиддий қизиқиб қолган. Клуб футболчини ёзда ўз сафига қўшиб олмоқчи. “Интер” раҳбарияти Кроос жамоа ҳужумчиси Мауро Икарди билан ажойиб ҳамкорликни йўлга қўя олишига ишонмоқда.

Қайд этиш жоиз, Икардига “Реал” ҳам қизиқмоқда. Аввалроқ футболчиларнинг алмаштирилиши мумкинлиги ҳақида хабарлар тарқалганди. Эслатиб ўтамиз, 2018 йил ёзида “Интер” “Реал”дан Лука Модрични сотиб олишга ҳаракат қилиб кўрди.