Модрич: "Барча орзулар ушалиши мумкин"

"Бу мен учун катта шараф. Ушбу совринни қўлга киритганимдан ва бу ерда турганимдан жуда хурсандман. Роналду ва Салоҳни мавсумни ажойиб ўтказгани билан қутламоқчиман. Келажакда ушбу соврин учун курашда сизларда яна имкон бўлади. Бу фақат менинг эмас, балки "Реал" ва Хорватия терма жамоасидагиларнинг ҳам соврини. Уларсиз бу муваффақиятга эришмаган бўлардим. Ҳаммангизга катта раҳмат. Бу соврин оиламники ҳам. Қўллаб-қувватлаш учун мухлисларга алоҳида миннатдорчилик билдираман. Овоз берганларга ҳам.

Менга йўл кўрсатган Звонимир Бобанга раҳмат айтмоқчиман. У 1998 йилдаги Хорватия терма жамоаси бош мураббийи. Ўшанда жамоамиз бронза медални қўлга киритган. Мундиалда учинчи ўринни қўлга киритган жамоа Россиядаги муваффақиятимизга ишонишга ёрдам берди. Биз келажакдаги авлод учун илҳом манбаи бўлишимизга умид қиламан. Бу соврин меҳнат ва ишонч эвазига энг яхши бўлиш имконини беришини кўрсатди. Барча орзулар бир кун келиб амалга ошиши мумкин" - дейди Модрич.