UZ

Сўнгги янгиликлар

07:36EЧЛ. Ҳафта футболчисига кимлар номзод?  3 02:10ЕЧЛ. "Бавария", "Ливерпуль" ва "Челси"да йирик ғалаба. "Тоттенхэм" "Монако" билан дуранг ўйнади  7 01:55ЕЧЛ. Беллингемнинг ягона голи "Реал Мадрид"га "Ювентус" устидан ғалаба тақдим этди  22 00:39ЕЧЛ. "Қорабоғ" ушбу мавсум турнирдаги илк мағлубиятини "Атлетик"дан қабул қилиб олди. "Галатасарой"да ҳам ғалаба  1 00:30Туркия. "Истанбул Башакшеҳир" "Ризеспор" билан дуранг ўйнади. Шомуродов тўлиқ ўйнади, Алиқулов ва Файзуллаев эса...  8 00:20Максим Шацких: "Икки очко йўқотдик. Рақиб дурангни нишонлади"  8 23:04ОЧЛ 2. "Аркадағ" Қатарда "Ал Аҳли"га қарши камбэк амалга ошириб, мағлубиятдан қутилиб қолди. "Андижон"нинг гуруҳидаги вазият қизиқарли тус олмоқда  9 22:24Ўзбекистон термаси бош мураббийи Фабио Каннаваро "Реал" – "Ювентус" ўйинида стадиондан туриб экспертлик қилади  16 22:05Али Ашур: "Андижон" бугун жуда кўп югурди, улар ўз мухлислари учун жанг қилишди. Баъзида бундай энергияга қарши курашиб бўлмайди"  7 21:33Ла Лигада ой ўйинчиси бўлиш учун номзодлар эълон қилинди  3 21:01ОЧЛ 2. "Ал Насср" Ҳиндистонда "Гоа" устидан ғалаба қозонди  6 20:39ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"  123 20:23Алаба "Реал"дан янги шартнома хоҳламоқда, клуб эса йўқ  1 19:46Каррагер: "Арсенал" - ЕЧЛни ютиши мумкин бўлган 4–5 клубдан бири"  0 19:15Ньом Винисиусни юзига ургани учун 2 та ўйинга четлатилди  1

МЛС ҳақида нималарни билиш лозим? Янгиликлар

МЛС ҳақида нималарни билиш лозим?

Уэйн Руни, Златан Ибрагимович каби футболчилар ўйнаётган МЛС лигаси ҳақида батафсил маълумотлар билан танишиб олинг.

МЛС – АҚШ ва Канада клублари учун юқори дивизион лигаси. 1994 йил АҚШда ўтказилган жаҳон чемпионати дастурининг бир қисми сифатида 1993 йил 17 декабрда ташкил этилган. Биринчи мавсум 1996 йил 10 жамоа иштирокида ўтказилди. Ташкилотнинг штаб-квартираси Нью-Йорк шаҳрида жойлашган бўлиб, лига раҳбари лавозимида 1999 йилдан буён Дон Гарбер фаолият юритмоқда.

Бугунги кунга келиб, жамоалар сони 24 та бўлса, 2020 йилда 26тага етказилади. Ушбу лигада АҚШ футбол Федерацияси томонидан рухсат берилган 24 жамоа иштирок этмоқда. Жамоалардан 21таси АҚШ, 3таси ("Ванкувер", "Монреал" ва "Торонто") эса Канада вакили ҳисобланади. МЛС мунтазам чемпионати 2 март куни старт олди ва 6 октябрга қадар давом этади.



Жорий йилги мавсум форматига кўра жамоалар 12тадан иккита конференцияга бўлинган. Иккита конференцияга бўлишда географик жиҳатлар инобатга олинган. Мусобақа жами 34та турдан иборат. Ҳар бир жамоа ўз конференциясидаги рақибларига қарши иккитадан ўйин ўтказади (уй-меҳмон тизимида, жами 22та тур).

Бошқа конференция жамоаларининг ҳар бири билан биттадан баҳсда майдонга тушади. Клублар бегона конференция жамоаларига қарши 12та турнинг тенг ярмини ўз майдонида, худди шунчасини меҳмонда ўтказиши белгилаб қўйилган.

Мавсум якунида ўз конференциясида биринчи бўлган жамоалар ”MLS Supportes shield” мукофоти билан тақдирланади ва КОНКАКАФ чемпионлар лигасига йўлланма тақдим этилади.



Иккала конференциядан турнир жадвалида юқори етти ўринни эгаллаган жамоалар ўз конференцияси чемпионлиги учун плей-офф босқичига йўлланма олади. Ушбу босқич 19 октябрдан 10 ноябрга қадар ўтказилади. Турнир жадвалида 2дан 7гача бўлган ўринни эгаллаган жамолар ярим финалга чиқиш учун бир ўйиндан иборат ўтиш баҳсида иштирок этишади.

1-ўрин соҳиблари ярим финал босқичидан курашга қўшилади. Ярим финал ва финал учрашувлари 2та ўйиндан иборат бўлиб, турнир жадвалида юқори ўринни эгаллаган жамоа иккинчи учрашувни ўз майдонида ўтказади. Конференция чемпионлигини қўлга киритган жамоалар МЛС кубоги чемпионлиги учун алоҳида финалда ўйнашади.

МЛС кубоги чемпиони, ”MLS Supportes shield” мукофотининг ҳар икки конференциядаги соҳиблари ва Америка очиқ чемпионати ғолиби КОНКАКАФ чемпионлар лигасига йўлланмани қўлга киритишади.



МЛСда қуйи лигага тушириб юбориш амалиёти йўқ. Яъни, МЛСда қатнашаётган жамоалар лиганинг мунтазам иштирокчилари саналиб, қуйи лигаларга тушириб юборилмайди. Мусобақанинг амалдаги чемпиони "Атланта Юнайтед" жамоаси ҳисобланади. МЛС биринчилигида “Лос-Анжелес Гэлакси” энг кўп (5 марта) мусобақа чемпионлигини тантана қилган.




Фаҳриддин Рўзиев

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика