"Миянгни бироз ишлат". Шакира янги қўшиғида Пикени "ер тишлатди"

Юлдузли жуфтлик 2022 йилнинг ёзида футболчининг ишидан сўнг ажрашиб кетган эди. Маълумотларга кўра, Пике Шакира билан бирга пайти Жерар ўзининг продюсерлик компаниясида ишлайдиган 23 ёшли талаба Клара Чиа Марти билан учрашишни бошлаган эди.

Шакира ва Пике ажрашганидан сўнг кўп воқеалар содир бўлди. Масалан, хонанда фарзандлари учун курашда судда ғолиб бўлди ва энди "Барселона" собиқ ҳимоячиси фарзандлари билан фақат Шакира розилиги орқали учрашиши мумкин.

Бугун Шакира Пикега навбатдаги зарбани берди. У аргентиналик машҳур диджей ҳамда продюсер Bizarrap студиясида янги қўшиқ ижро этди. Бу шунчаки қўшиқ эмас, тўлақонли дисс - Пике ва унинг янги севганига аталган зарбалар тўплами.

Биринчи куплетда Шакира оддий метафоралардан фойдаланган, аммо сўнгги қаторда собиқ эрини "тепиб" ўтиб кетган:

Кечир, мен энди бошқа самолётдаман

Қайтмайман, яна ортга бурилишни хоҳламайман

Сен чемпионлигингни кўрсатишга уриняпсан

Мен сенга муҳтожлигимда ўзингни ёмон томондан кўрсатдинг

Мендек аёл бўри, сен каби йигитчалар учун эмас

Нақаротда сўзлар кўп эмас, аммо Пикенинг янги севгани эсга олинган.

Мендек аёл бўри, сен каби йигитлар учун эмас

Сендан анча ўзиб кетдим, айнан ўшу учун ўзинг каби қиз билансан

Иккинчи тўртликда энг "ёндирадиган" жойи бошланган

Бу ишни кўникишинг учун қилдим

Йиғласанг ҳам, ялинсанг ҳам қайтмайман энди

Сенга бўлган танқидлар - менинг айбларим эмас

Қарзлар ва журналистлар билан эшик олдида ташлаб кетдинг

Менга оғир бўлади деб ўйладинг, аммо янада кучли аёлга айландим.

Иккинчи куплет ўртасида Шакира Пикенинг янги муҳаббатига яхшигина зарба берган. 22 дейилган жой қизнинг ёшига ишора. Хонанда 45 ёшда, икки карра катта.

Ўринбосарим билан қолдинг, сенга омад тилайман

Сенга нима бўлди, буни асло билмайман,

Мен 22дан икки баравар қимматман

Сен Ferrariни Renaul Twingo (Sparkга ўхшаш машина) алмашдинг

Сен Rolexни Casioга алмашдинг.

Охирида - интеллект ҳақида "панч" бўлган ва Шакира буни бошқа сўзлар билан қоғозга ўраб ўтирмаган.

Залда роса ишлайсан

Аммо миянги ҳам бироз қийна.