"Mixed zone". Жасур Жалолиддинов: "Ҳеч қайси рақибдан қўрқмаймиз"

Ярим ҳимоячи Жасур Жалолиддинов махсус микст-зонада ўйин борасидаги таассуротлари билан ўртоқлашди.

"Учрашув қийин бўлишини билган эдик. Иккинчидан Туркманистон ҳимоядан ўйин ташкил қилиши кутилганди. Бунга тайёр эдик. Биласиз, биринчи учрашув доим қийин ўтган. Биринчи бўлимда вазиятлардан фойдаланганимизда янада осонроқ бўларди, деб ўйлайман. Муҳими турнирни ғалаба билан бошлаш. Худо хоҳласа навбатдаги баҳсларда бундан ҳам яхши ҳаракат қиламиз. Чунки барчамиз учун илк Осиё кубоги ҳисобланади. Шундай экан ғалабали юришимизни давом эттиришимиз керак",- дейди Жасур Жалолиддинов.

- Очиғи бу ўйиндан кўп нарса кутилганди. Балки босим тўсқинлик қилгандир...

- Футболда 6:0га ҳам, 1:0га ҳам 3 очко берилади. Туркманистон футболчилари чуқур ҳимояланишди. Агар тезкор гол урганимизда ҳаммаси ўзгариб кетарди. 

- Қисқа вақтда терма жамоа Қатар билан ўйинга тикланишга улгурадими?

- Аввало тикланишга, кейинги кун эса ўйиндан олдинги машғулотга эътибор қаратамиз. 

- Гуруҳдаги рақибларимиз ўзаро дуранг ўйнашди. Бу бизга қанчалик енгиллик беради?

- Шунинг учун ҳам ғалаба зарур эди. Айни пайтда биринчи ўриндамиз. Ҳеч қайси рақибдан қўрқмаймиз. Саудия Арабистони билан ҳам тенгма-тенг ўйнаган пайтимиз бўлган. Қайсидир терма жамоани ажратиб кўрсата олмайман.