Михаил Еремчук: "Футболда ҳар доим ютиш яхши"
25 июн 23:46
Янгиликлар

Михаил Еремчук: "Футболда ҳар доим ютиш яхши"

Ўзбекистон Кубоги 1/8 финалдан ўрин олган "Бухоро" - ОКМК (3:1) учрашувидан сўнг ташкил этилган матбуот анжуманида "Бухоро" ёрдамчи мураббийи Михаил Еремчук қатнашди.

- Ўйин Кубокка хос тарзда кечди. Майдонда кўп ҳиссиёт ва жанг кўзга ташланди. Тўғри, баъзи ҳолларда иккинчи рақам бўлиб ўйнадик, муҳими ғалаба қозониб кейинги босқичга чиқдик. Клубимиз раҳбариятини, мухлисларимизни ва жамоа аъзоларини узоқ кутилган ғалаба билан табриклайман. Буёғига яна олдинга қараб ҳаракат қиламиз.

- "Нефтчи"га учралган мағлубиятдан сўнг бу ўйинга тайёргарлик қандай кечди?

- Орада вақт кам эди, шу боис асосий эътиборни футболчиларни руҳан тайёрлашга қаратдик. Биз ҳар бир ўйинга одатдагидек ҳозирлик кўрамиз. Рақибга қараб алоҳида тайёргарлик қилмаймиз. Жамоамизда ёшлар кўп ва уларни бўлажак учрашувларга тайёрлаб боряпмиз.

- Бугунги ғалабани "Нефтчи" билан дурангга алмашган бўлармидингиз?

- Футболда ҳар доим ютиш яхши. Бу саволга фақат шундай жавоб беришим мумкин.

Ҳавола :

Манба : championat.asia

Янгиликларни Телеграмда ўқинг!

Рейтинг: +1