Мирзоҳид Ғофуров: "Собиқ жамоага қарши ўйнаш доимо оғир кечади"
08 апр 2017 13:35
Янгиликлар

Мирзоҳид Ғофуров: "Собиқ жамоага қарши ўйнаш доимо оғир кечади"

Кеча бўлиб ўтган "Навбаҳор" - "Машъал" учрашувидан сўнг мезбонлар ярим ҳимоячиси Мирзоҳид Ғофуров ўйин тўғрисида ўз фикрлари билан ўртоқлашишди.

"Собиқ жамоага қарши ўйнаш доимо оғир кечади. Бир тарафдан "Машъал"да кўп йиллар тўп тепган бўлсам, иккинчи томондан эса ўзимнинг она шаҳрим шарафи турибди. Ичимдан турли хиссиётлар ўтди. Лекин футболчи профессионал бўлиши керак. Чунки яшил майдонга тушгандан сўнг собиқ жамоангиз ҳам рақибга айланади. Майдондан ташқарида эса яна қадрдончилик давом эттирилади. Профессионал даражада ўйнайдиган футболчи ўзини доимо шундай тутиши зарур. Гол урганимда нишонлармидим? Қийин савол бўлди. Назаримда икки тарафни ҳам ранжитмаган холда меъёрида хурсандчилик қилган бўлар эдим", - деди Ғофуров.