Миржалол Қосимов: "Шавкат Миромонович билан ютуқларимиз давом этади"
06 дек 2016 15:44
Янгиликлар

Миржалол Қосимов: "Шавкат Миромонович билан ютуқларимиз давом этади"

4 декабрь куни ўзбекистонликлар Ўзбекистон Президентлиги учун сайловда иштирок этдилар.

Сайловда ҳамюртларимизнинг фаоллиги кишини қувонтирди. Барчамиз ўз келажагимиз учун овоз бердик. 5 декабрь куни сайлов натижалари эълон қилинди, Ўзбекистон Республикасининг навбатдаги Президенти - Шавкат Миромонович Мирзиёев!

Шавкат Миромонович Тошкентда бўлиб ўтган сайлов олди тадбирларида Равшан Эрматов ва Миржалол Қосимовни алоҳида эътироф этиб ўтганди.

"Мустақилликка эришганимиздан сўнг кўплаб ютуқларни қўлга киритдик. Спорт соҳасида эришган натижаларимиз ҳам салмоқли. Буни сўнгги олимпиада ўйинлари ҳам айтиб турибди. Марҳум Ислом Абдуғаниевич Каримов томонидан олиб борилган спорт сиёсати худди шундай тартибда давом этишини эшитиб қувондим. Биз спортчилар, бу борада Шавкат Миромоновичга қанот бўлишимиз керак. Спортимизни, айниқса футболдаги муваффақиятларимизни ошириш йўлида биз ҳам ўзимизнинг қўлимиздан келган билимимизни ишлатишга ҳаракат қиламиз. У кишига халқ катта ишонч боғламоқда. Бу борада, спортдаги барча дўстларим номидан омад тилайман", - дейди Миржалол Қосимов.

Ҳавола :

Манба : championat.asia

Янгиликларни Телеграмда ўқинг!

Рейтинг: +60