Миржалол Қосимов: "Дуранг адолатли натижа эди"

- Жанговар дуранг бўлди. Ўз жамоам ҳақида гапирадиган бўлсам, бу ўйиндан қониққаним йўқ. Баъзида футболда бирор футболчининг ўйини унчалик ўхшамайди. Аммо бугун жамоанинг ўйини ўхшамади. Ўтган учрашувларда футболчиларим тезкор, маъноли, комбинацион ўйин кўрсатишганди. Тўғрисини айтаман, бугунги ўйин чиқмади. Учрашувни кўриб чиқамиз, балки, жамоани ўйинга яхши тайёрлай олмагандирман, балки, футболчиларим ўзини жуда ҳам хотиржам хис қилиб юборгандир.

Ўйинда курашлар кўп бўлди. Биринчи бўлимда ҳам, иккинчи бўлимда ҳам. Менимча дуранг адолатли натижа эди. 

- Виктор Карпенконинг ўйиндаги қарорлари ёки тактикаси Сизга сюрприз бўлдими?

- "Навбаҳор"га қарши ўйинда жамоа 5 ҳимоячи бўлиб ўйнаганди. Бугун эса жамоа икки таянч футболчилари билан ҳаракат қилди. Аввало мен ўз жамоамнинг ўйинига аҳамият бераман.