Минбарда "Андижон" клуби матбуот котиби: Бобурбек Турсунов

Бобурбек Турсунов, “Андижон”  матбуот  хизмати  ходими:

1. Бу клубга келишингиз қандай юз берган ва қачондан бери ишлаяпсиз?
2013 йилги мавсумда “Андижон” жамоаси биринчи лигага тушиб кетганди. Ўша пайтда бош мураббий Азамат Абдураимов мени матбуот котиби вазифасига ишга таклиф қилди. Шундан буён “Андижон” клубида фаолият юритиб келяпман.

2. Матбуот хизмати бўлимида неча киши фаолият юритади?
“Андижон” клуби матбуот хизматида фақат бир ўзим фаолият олиб бораман.

3. Клуб томонидан қанча маош тўланади? Яратилган шароит сизни қониқтирадими?
Шартномада моаш борасида ошкор этмаслик сўралган. Шунинг учун бу саволни очиқ қолдираман.

4. Клуб фаолияти ижтимоий тармоқларда (Facebook, Instagram, Twitter) қай даражада ёритиб борилади?
Албатта, “Андижон” жамоаси ҳам Twitter да ўз саҳифасига эга.

5. Сафар ўйинларига бориш сиз учун муаммо туғдирмайдими?
Бу йилдан сафардаги барча учрашувларга жамоа билан бирга боряпман. Аввалги мавсумларда сафрдаги ўйинларга олиб кетишмасди.

6. Клуб экипировкасини оласизми?
Тўлиқ эмас, маълум бир қисмини беришган.

7. Мукофот пули оласизми?
Ҳа, меҳнатга яраша бериб туришади.

8. Жамоа билан ҳориж йиғинида иштирок этасизми?
Клубда иш бошлаганимдан бери “Андижон” жамоаси хорижда йиғин ўтказгани йўқ. Шу боис бу савол бир нима дейишим қийин.

9. Жамоа автобусида массажчи, маъмур ва клуб шифокорлари каби ўз ўрнингиз борми ёки қайси ўриндиқ бўш бўлса ўша ерга ўтирасизми?
Ҳа.

10. Стадионда ОАВ вакиллари учун яхши сервис йўлга қўйилганми? Симсиз интернет, яъни wi-fi, медиа-трибуна ва бошқа шароитлар?
“Андижон” жамоаси уй учрашувларини утказадагин “Соғлом авлод” стадиони клубга карашли эмас. Шу боис стадионда бундай шароитлар йук.


11. Қайси клуб матбуот хизматига ҳавас билан қарайсиз ва нега?
Албатта, “Бунёдкор» клуби матбуот хизматига. У жамоада ишлаш учун барча шароитлар яратилган.

P.S. Ушбу лойиҳа матбуот котибларини клуб раҳбарияти олдидаги мавқеини ошириш мақсадида қилинди.