UZ

Сўнгги янгиликлар

07:47"Аталанта" Демирални сотиб олмоқчи  0 07:31Токио-2020. Ўзбек спортчиларининг 29 июль кунги иштирокларидан ОНЛАЙН  3 07:11Эдегор яна "Реал"дан кетиши мумкин  1 02:01Синов-назорат ўйинлари. "Тоттенхэм"да ишончли ғалаба, МЮда жанговар дуранг  0 01:28Breaking: Шомуродов "Рома" аъзосига айланди!  61 00:58Артуро Видаль: "Интер" ЕЧЛ финалида ўйнашни истайди"  3 00:42Ўртоқлик учрашувлари. "Интер"дан жавобсиз 6 та гол, "Атлетико"да кичик мағлубият  1 00:36"Реал" 4 футболчисини сотиб юборишга тайёр  3 00:19"Лестер" янги мавсум учун сафар ўйинлари либосларини тақдим қилди  0 23:53"Барселона" Ромеро ва Саншешни сотиб олишни истаганди  2 23:36"Бавария"нинг ўртоқлик ўйинларидаги омадсизликлари давом этади  1 23:15Эвра: "МЮ топ-трансфер амалга оширди"  2 22:55"Челси" Кабальеронинг ўрнига дарвозабон олди  0 22:40"Навбаҳор" 5 футболчи билан шартнома имзолади  36 22:30Фернандеш: "Манчестер Юнайтед" трансферларсиз ҳам совринлар учун интилиши керак"  5

Миллий чемпионатларимизда авж олган трансфер сиёсати. Клубларга қўйилган тақиқлар эътибордан четда қоляптими? (Бекзод Толибов блоги) Янгиликлар

Миллий чемпионатларимизда авж олган трансфер сиёсати. Клубларга қўйилган тақиқлар эътибордан четда қоляптими? (Бекзод Толибов блоги)

Хабарингиз бор, 6 июль санасида Ўзбекистон футбол ассоциацияси Ижроия қўмитаси Бюросининг "Ўзбекистон Профессионал футбол лигаси мусобақаларини ташкил қилиш ва ўтказиш, шунингдек, мазкур мусобақаларда иштирок этувчи футбол клублари фаолияти билан боғлиқ айрим масалаларни кўриб чиқиш тўғрисида"ги 03-сонли Қарори эълон қилинди.

Мазкур Қарорга кўра, миллий чемпионатларимизда иштирок этаётган бир қатор клубларга 2021 йилнинг ёзги трансфер ойнаси (2021 йил 5 июль - 2021 йил 31 июль) вақтида футболчиларни рўйхатдан ўтказиш бўйича тақиқ қўйилди. Бунда айрим клубларга хорижий легионерлар билан боғлиқ холатлар туфайли ўзбек футболи имижига салбий таъсир кўрсатганлиги учун трансферлар бўйича тақиқ қўйилган бўлса, яна бир неча клубларга эса мавжуд қарздорлик туфайли янги футболчиларни рўйхатдан ўтказишга тақиқ қўйилган.

Хўш, амалдаги холат қандай бўлмоқда? Футбол клублари ушбу Қарорга амал қилган холда иш юритяптиларми? Ёзги трансферлар ойнаси очилганидан сўнг ҳозирга қадар  миллий чемпионатларимизда иштирок этаётган футбол клублари томонидан янги футболчиларни таркибга жалб этилиши жараёни давом этмоқда. Қизиқ томони, айнан ўша тақиқ қўйилган клублар трансферларда фаоллик намойиш этмоқдалар. Ёки ушбу футбол клубларидаги мавжуд тақиқлар олиб ташландими? Ҳарҳолда ҳозирча бу ҳақда мутасадди ташкилотларнинг расмий саҳифаларида бирон хабар ёки маълумот эълон қилингани йўқ. Унда клублар томонидан олиб борилаётган трансферлар ўзбошимчалик билан амалга ошириляптими? Ҳозир қайси клуб ким билан келишувга эришди ёки қайси легионер футболчи таркибга жалб этилди, бу ҳақда ёзмоқчи эмасмиз. Жамоалар таркибига жалб этилаётган янги футболчилар ҳақида сайтимизда ҳам бир нечта янгиликларни чоп этдик, шунингдек, футбол клублари матбуот хизматлари томонидан ҳам айни масаладаги хабарлар эълон қилиб борилмоқда ва кузатиб бораётган киши борки, ўзбек футболига оид трансфер янгиликларидан хабардор экани аниқ. Юқоридагилардан келиб чиқиб, сизда ва бизда ҳақли савол туғилади, клублардан трансфер тақиқлари олиб ташландими?

Ҳозирги кунда ҳар бир соҳада ОАВ ва матбуотнинг аҳамияти юқори кўринишга чиқиб бормоқда. Ҳар бир янгилик ва хабарни эълон қилинишида тезкорликка урғу берилмаса, орадан бир оз вақт ўтиб ушбу маълумотнинг аҳамияти йўқолиб қоляпти. Шундай экан, футболимиз мутасаддилари томонидан қайси клублар олдидаги тақиқ бекор қилинган бўлса, расмий маълумот берилиши шарт. Масалан, бирон клуб мавжуд қарздорликни бартараф этди ва тақиқ олиб ташланди. Бу ҳақда ўз навбатида ОАВ орқали маълумот берилиши шарт. Нега деганда биринчидан, бу бошқа клубларга ҳам зудлик билан қарздорликни бартараф этиш чораларини топишга чорлов бўлади. Иккинчидан, таниш-билишчилик ёки маҳаллийчилик каби ноўрин айбловлар ва тушунмовчиликлар юзага келишининг олди олинади. 

Футбол клублари ўз олдидаги мажбуриятларини бажаришлари, хусусан, мавжуд қарздорликни бартараф этишлари орқали трансфер тақиқлари олиб ташланиши — бу салбий холат эмас, биз буни қораламаймиз. Чунки клублар зиммаларидаги вазифаларни амалга ошириш орқали рағбатга эришишади, бу керак бўлса, мақтовга арзигулик ҳолат. Биз мутасадди ташкилотлар томонидан мавжуд қарздорликни бартараф этиб тақиқи олиб ташланган клублар ҳақида кунлик маълумотлар тақдим этиб борилишини истаймиз. Чунки трансфер тақиқи қўйилган футбол клублари сони кам эмас. "Фалон сана холатига ушбу клуб мавжуд қарздорликни бартараф этди ва янги футболчиларни рўйхатдан ўтказиш учун рухсат берилди" каби мазмунда кичкинагина хабарлар бериб борилса, мақсадга мувофиқ бўларди. Ҳаммаси ҳақида бирдан маълумот чиқади деган фикрда бўлиш ҳозирги куннинг талабига тўғри келмайди. Болалигимда фотограф суратимизни олса, расм чиқишини аппарат плёнкаси тўлгунича 3-4 кун кутиб юрардик. Чунки сураткаш плёнка тўлганидан сўнг барчанинг расмини бирдан чиқарарди. Ҳозир у даврда яшамаяпмиз-ку. Клублар олдидаги тақиқлар юзасидан Қарор энг охирида эълон қилинса ва бунга ўз вақтида тушунтириш бериб борилмаса, вазият якунини ҳозирданоқ прогноз қилиш қийин эмас. Чунки янги футболчилар билан келишувга эришган бирон клуб уларни рўйхатдан ўтказа олмаса, табиий холда бу ўша клуб мухлисларига ёқмайди. Ана ундан кейин "нега у клубга рухсат бердинг, нега бу клубга рухсат бермадинг" қабилидаги турли айбловлар мутассаддилар манзили томон янграшни бошлайди, бу аниқ. Шундай экан, бу кичкина масала эмаслигини унутмаган холда мавжуд қарздорликни бартараф этиш орқали трансфер тақиқи олиб ташланган футбол клублари ҳақида кунлик маълумотлар ОАВда тақдим этиб борилиши лозим бўлади.

Яна бир гап, ЎФА Ижроия қўмитаси Қарорида айрим клубларга хорижий легионерлар билан боғлиқ холатлар туфайли ўзбек футболи имижига салбий таъсир кўрсатганлиги учун ёзги трансфер ойнаси вақтида янги футболчиларни рўйхатдан бўйича тақиқ қўйилган. Бунда ўша клублар олдиларидаги мавжуд қарздорликни бартараф этсалар ҳам тақиқ олиб ташланмайдими? Қарорнинг бирон қисмини муҳокама қилиш ниятим йўқ, лекин айнан юқоридаги банд бўйича мутассадилар томонидан тушунтириш берилса, кейинчалик юзага келиши мумкин бўлган тушунмовчиликларнинг олди олинишига сабаб бўлар эди.

Бекзод Толибов


ЎФА Суперлиганинг 12та, Про лиганинг 7та клубига легионерларни рўйхатдан ўтказиш бўйича тақиқ қўйди

Рейтинг: +2   

Фикрлар

+3   
21 июл 20:49:47
Тож
Бошқа жамоаларнинг кучайишига хам қўйинглар ахир. Эгилганни тепиб ўтманглар. Бой жамоаларга хаммасига рухсат, пули йўқни таҳқирлаверасизларми?
+1   
21 июл 21:43:12
Узбекистон-Алпомишлар юрти
MYU&LIVERPOL фойдаланувчининг фикрига жавоб бериш
Xech qaysi klub qarzdorligini bartaraf etmagan bosa uniyam xar kuni elon qilishi keremi, nega kamandalani ozi osirib qoysayam PFLni aybdor qilurasla. Boy kamanda digani qaysi biri deyarli xammasi davlatni puliga yawidiku faqat akademiyasini voxtida yolga qoyvogan klublar narmalni iwlawvotti
Ҳеч ким ПФЛни айблагани йўқ. Бунда ПФЛ ёки ЎФАни айби йўқлигини ҳамма билади. Бу шундай қолиб кетса охирида клублар трансферни амалга ошириб рўйхатдан ўтказолмай қолишади. Қайси клуб трансфер тақиқи ечилган бўлса эълон қилиб борилса яхши бўларди. Чунки ўша мухлислар ҳам қайси клуб ҳаракатда, аксинса қайси клуб бемалол юрибди, бу ҳақида билишарди.
+1   
21 июл 20:57:31
rostgoy
Трансфер Майли куп жамоамизда миллатчилик бор. Шуни хам езинг. Бугу бунедкор-хоразм уйинини курдим, бунедкор сафидаги Ибрагим Томивани бунедкор уйинчилари менсишмаяпти. Битта туп оширишмаяпти. Ибра йукдей уйнашвоти. Булмасам Ибрани паст Билан гол урди. Унакамасдей Бунедкор да Ибрадан кучли уйинчи йук. Узларича Юлдуз. Хоразм Ютиб куйишига сал колди.
   
21 июл 22:26:10
baha_71
Futzalchilarimizga omad.
   
21 июл 21:32:21
MYU&LIVERPOL
Xech qaysi klub qarzdorligini bartaraf etmagan bosa uniyam xar kuni elon qilishi keremi, nega kamandalani ozi osirib qoysayam PFLni aybdor qilurasla. Boy kamanda digani qaysi biri deyarli xammasi davlatni puliga yawidiku faqat akademiyasini voxtida yolga qoyvogan klublar narmalni iwlawvotti
   
21 июл 21:16:38
Kardinal
Аклли Диердан жавоб накд. Биз бундай килдик биз бундай киляпмиз. Таниш билишчилик энг авж олган ташкилот бу ПФЛ.
championat.asia
< сўнгги янгиликларни кўриш
Яндекс.Метрика