Миланнинг «Интер»ини индонезиялик ишбилармонга сотишди
15 окт 2013 20:41
Янгиликлар
![](https://championat.asia/upload/storage/103262_original.jpg)
![](/upload/storage/103262_220.jpg)
Миланнинг «Интер»ини индонезиялик ишбилармонга сотишди
Бу ҳақда «Интер» расмий сайти хабар бермоқда.
Моратти савдо тафсилотларини маълум қилмаган. ОАВ маълумотларига кўра, Тоҳирга Милан клубининг 70 фоиз акциялари ўтади.
Моратти айни вақтда «Интер» президенти ҳам ҳисобланади. У ушбу лавозимда қолиш-қолмаслиги яқин вақт ичида ўтказиладиган директорлар кенгаши йиғилишидан сўнг маълум бўлади. Аввалроқ, Тоҳир бир ўзи Моратти тақдирини ҳал қила олмаслигини билдирган эди.
«Интер» 1995 йилдан бери Моратти ва унинг оиласига тегишли эди. Ўтган вақт мобайнида жамоа беш марта Италия чемпионатида ғолиб чиқди, тўрт мартадан Италия Кубоги ва Суперкубогида ғалаба қозонди. Шунингдек, миланликлар Европа Чемпионлар Лигаси ва клублар ўртасидаги жаҳон чемпионатида ҳам муваффақият қозонишди.
Милан клуби Тоҳирнинг мулкига айланган биринчи футбол жамоаси эмас. Аввалроқ, 2012 йили у АҚШ лигаси (MLS) вакили «Ди Си Юнайтед» жамоасини 50 миллион долларга сотиб олган эди.
Бундан ташқари, НБАдаги «Филадельфия Севенти Сиксерс» баскетбол клуби акциялари ҳам индонезияликка тегишли. Тоҳир Индонезиянинг ўзида икки баскетбол жамоаси эгаси ҳисобланади. Бундан ташқари, у Индонезия баскетбол уюшмасига ҳам раҳбарлик қилади.
![AMP Logo](https://championat.asia/image/logo-amp.png)
Фикрлар