Милан Митрович: "Бу йил энг қизиқарли чемпионат бўлади"

"Ҳаммаси режа бўйича давом этяпти. Бутун жамоа мавсум бошланишини интиқлик билан кутмоқда дея оламан. Биз учун ҳеч нарса ўзгаргани йўқ. Мақсад ва ниятларимиз доимгидек юқори. Ўйлайманки, клуб аллақачон совринли ўринларни эгаллаш пайтига келган.  Раҳбарият бу борада олдимизга вазифа қўйган ва бу учун шароит яратиб берган.  Ўйлайманки, бу йил энг қизиқарли чемпионат бўлади. Биз совринли ўринларни эгаллаш учун қўлимиздан келган барча ишни қиламиз. Ўтган мавсум ҳар бир жамоада бўлгани каби бизда ҳам пасайиш, кўтарилиш юз берди. Биз тўғри йўлдамиз, 2021 йилги натижани яхшилашга салоҳиятимиз етади. Айрим ўйинларда диққатни жамлай олганимиз йўқ. Яна омадсизликлар ҳам панд берди",- дейди Митрович. 

Маълумот учун, "Сўғдиёна" илк турни 9 март куни Қаршида "Насаф"га қарши ўтказади.