Милан Марчич: "Ўзбекистоннинг энг катта клубларидан бирида ўйнаш имкониятига эга бўлганимдан жуда хурсандман"

"Қалдирғочлар" сафига энди қўшилган Сербиялик футболчи Милан Марчич янги клуби ҳақида ўз фикрлари билан бўлишди.

- "Бунёдкор" жамоасига хуш келибсиз, Милан. Янги клубга кўникиш жараёни қандай кечмоқда? Янги давлат, янги шаҳар... Ўзингизни қандай ҳис қилмоқдасиз?

- Биринчи навбатда барчага салом. Мен Милан Марчичман. Мен Ўзбекистоннинг энг катта клубларидан бирида ўйнаш имкониятига эга бўлганимдан жуда хурсандман. Мен бу ерда келганимдан жуда бахтлиман. Жамоа жуда иноқ экан.

- Мавсум сўнгига кадар асосий мақсадингиз нима?

- Мен бу ерда ўзимни яхши томонлама кўрсатишни мақсад қилганман ва жамоамга максимал тарзда ёрдам беришга ҳаракат қиламан.

- "Бунёдкор"га келишингиздан аввал, ушбу клуб ҳақида билармидингиз?

- Тўғриси йўқ, аввал ушбу клуб ҳақида эшитмаганман ва билмаганман, лекин ҳозир кўп нарсаларни билиб олдим.

- Сербия чемпионатида тўп тепгансиз. "Бунёдкор" клуби фаолиятингиздаги энг катта клубми?

- Шубҳасиз, "Бунёдкор" жамоаси фаолиятимдаги энг катта клуб ва ушбу клубда катта натижалар қайд этишга ҳаракат қиламан. "Бунёдкор" клуби фаолиятимдаги "трамплин" бўлиши мумкин. "Бунёдкор" клубининг инфратузилмаси ҳам ажойиб даражада. "Бунёдкор" стадиони эса Ўзбекистондаги энг зўр стадионлардан бири.

- Ўзбекистон ва Сербиялик футболчилар ўртасидаги фарқ нимада деб ўйлайсиз?

- Ўзбекистонлик футболчилар анча тезроқ.

Абдулвосит Бектемиров суҳбатлашди