"Милан" кимлар билан шартнома имзолайди?
27 июн 2023 13:03
Янгиликлар

"Милан" кимлар билан шартнома имзолайди?

"Россонери" таркибни кучайтириш устида ишламоқда.

"Милан" "Челси" билан ярим ҳимоячи Рубен Лофтус-Чикни сотиб олиш борасида келишувга эришди. Бу ҳақда инсайдер Фабрицио Романо хабар берди.

Манбага кўра, "россонери" футболчи учун 16 млн евро тўлайди. Яна 4 млнни "кўклар" бонус сифатида олиши мумкин.

Қолаверса, "қизил-қоралар" 2 нафар эркин агент билан шартнома имзолашига бир қадам қолди. Булар дарвозабон Марко Спортьелло ("Аталанта") ва вингер Лука Ромеро ("Лацио").

Лекин бу ҳаммаси эмас. "Милан", шунингдек, вингер Кристиан Пулишич борасида "Челси" билан музокаралар олиб бормоқда. Музокаралар фаол давом этяпти.

Ҳавола :

Манба : twitter.com/FabrizioRomano

Янгиликларни Телеграмда ўқинг!

Рейтинг: +4