“Милан” Фабрегас учун 8 миллион таклиф қилаяпти, “Челси” эса...

Италия клуби 31 ёшли испаниялик футболчи учун 8 миллион евро таклиф қилмоқда. Лондонликлар эса Фабрегасни 12 миллионга сотишни режалаштирмоқда, дея хабар бермоқда SportMediaset.

Миланликлар ҳозирча Фабрегас билан шахсий шартнома борасида аниқ бир тўхтамга кела олишгани йўқ. Футболчи уч йиллик шартнома тузиш ва йилига 6 миллион евро маош олиш ниятида. “Милан” эса 2,5 йиллик шартнома тузиб, футболчига йилига 4,5 миллио евро маош бермоқчи.

Фабрегасининг рафиқаси эса болаларининг мактаби сабаб Лондонни тарк этишларини истамаяпти.

Футболчининг “Челси” билан тузилган шартномаси 2019 йилнинг июнига қадар амалда бўлади.