“Милан” 8 январь куни Хондани таништиради

Япония терма жамоаси аъзоси якшанба куни тиббий кўрикдан ўтади. Душанба куни эса “Милан” – “Аталанта” учрашувини томоша қилади. Сешанбада янги жамоаси таркибидаги илк машғулотини ўтказади. Бир куни ўтиб, 8 январь куни “Сан-Сиро” стадионининг матбуот анжуманлари залида ОАВга таништирилади. Катта эхтимол билан янги жамоаси сафидаги дебют ўйинини 12 январь куни “Сассуоло” клубига қарши ўтказади.

Эслатиб ўтамиз, Хонда “Милан” сафига ЦСКАдан эркин агент сифатида  ўтди.