Микель Артета: "Арсенал" ҳали чемпион бўлиши мумкин. Олдинда 5 та ўйин бор"

Эслатиб ўтамиз, АПЛ 33-турида "Этихад Стэдиум"да "Арсенал" "Манчестер Сити"га 1:4 ҳисобида мағлуб бўлди. "Шаҳарликлар" "Арсенал"дан бир очко олдинда ва захирада 1 та ўйини ҳам бор.

""Этихад"даги ўйиндан кейин ўзимизга келиш учун вақт керак бўлади. Биз буни тан олишни истамасакда, улар бошқа даражада ҳаракат қилди. Биз ҳали у даражага чиқмадик. 

Тан олиш зарур, ҳали кўп меҳнат қилишимиз зарур. Аммо камчиликлар билан бир қаторда, бизнинг кучли томонларимиз ҳам етарли. Шу сабабли, охирги 10 ойда биз катта кўламдаги ишни бажара олдик.

Чемпионлик тақдири энди бизни қўлимизда эмас. Энди барчаси "Сити"га боғлиқ. Биз қолган ҳамма учрашувимизни ютиб, рақибнинг натижаларига қараймиз.

Биз кўплаб клублар қила олмаган ишни бажардик ва биз ҳали ҳам АПЛ чемпиони бўлишимиз мумкин. Чунки олдинда 5 та ўйин бор ва кўп нарса ўзгариб кетиши мумкин", – деди "Арсенал" бош мураббийи.