Микаэль Секейра: "3 ойлик меҳнат самараси энди кўрина бошланди"
09 апр 2021 18:41
Янгиликлар

Микаэль Секейра: "3 ойлик меҳнат самараси энди кўрина бошланди"

Теглар : "Локомотив""Сурхон"Микаэль Секейра

Суперлиганинг 5-турида "Сурхон"га қарши ўйинда қўлга киритилган ғалабадан кейин "Локомотив" бош мураббийи Микаэль Секейра ўз фикрларини билдириб ўтди.

- Биринчи бўлимда ўйин зўр бўлди. Бўлим давомида футболчилар ўз вазифаларини яхши бажаришди. Дастлабки таймдаёқ икки ёки учта гол уришимиз ҳам мумкин эди.
Ушбу мавсумда ҳали ғалабага эришмаганимиз учун футболчилар иккинчи бўлимда бироз асабийлашишни бошлади. Ўз навбатида "Сурхон" жамоасида ҳам яхши вазиятлар бўлганини айтиб ўтиш керак.

Футболчиларимни табриклайман. Бугун "Локомотив"га келганимга 3 ой бўлди. Илк кунданоқ футболчилар жуда қаттиқ тер тўкишганди ва уларнинг меваси бугун кўрина бошланди.
"Сурхон" футболчилари ва мураббийига ҳам раҳмат айтиб қўяман. Рақибларда яхши вазиятлар юзага келди. Бу биз учун дарс бўлди ва буни кўриб чиқамиз.
Шунингдек, "Сурхон" жамоаси мухлисларига ҳам раҳмат айтаман. Улар ҳақиқий футбол атмосферасини яратиб беришди. Барчага омад тилайман. Биз эса навбатдаги муҳим ўйинга тайёргарликни бошлаймиз.

Ҳавола :

Манба : "Локомотив" матбуот хизмати

Янгиликларни Телеграмда ўқинг!

Рейтинг: +2