Эътиборингизга ушбу беллашувга оид қизиқарли фактларни келтирамиз.
Энг кам: Ушбу беллашув 17- тур доирасидан ўрин олган ўйинлар орасида энг кам мухлис тўплади. "Металлург" ўйингоҳига 1012 томошабин кирган холос.
Энг кўп: Бекободликлар билан кечган ўйинга кирган томошабинлар шу кеча 5 та голга гувоҳ бўлишди. 17- турда бешта гол шунингдек "Пахтакор" - "Қўқон-1912" учрашувида қайд этилди. Пойтахтликлар 4:1 ҳисобида "Қўқон-1912" устидан йирик ғалабага эришди. Ушбу икки беллашув турнинг энг кўп гол урилган ўйинларига айланди. 17- турнинг қолган баҳсларида 3 тадан ортиқ гол урилмаган.
1 - Иккинчи даврада "лочинлар" сафига ижарадан қайтган ҳимоячимиз Қаҳрамон Муҳаммаджонов жорий мавсумдаги ўзининг биринчи голини урди.
2 - Олий лига ушбу мавсумида "Навбаҳор" ўзининг сафардаги иккинчи ғалабасини нишонлади. Илк бор "Қўқон-1912" устидан меҳмонда 3 очко ишлагандик.
3 - "Металлург" билан ўзаро ўйинлар тарихида бу жамоамизнинг бекободликлар устидан қозонган меҳмондаги учинчи муваффақияти бўлди. Жамоамиз сардори Дилшод Жабборов эса кеча мавсумдаги учинчи голини тантана қилди.
4 - Ҳужумчимиз Шаҳбоз Эркинов Олий лига ушбу мавсумида тўпурарлар пойгасида тўртинчи ўринга кўтарилиб олди. Ҳозирча Эркинов ҳисобида 8 гол мавжуд. Шунингдек ушбу ўйинда Дилшод Жабборов "Навбаҳор" таркибида ўтказган фаолиятида "Металлург" дарвозасини тўртинчи маротаба аниқ ишғол этди.
5 - Беш йиллик танаффусдан сўнг "Навбаҳор" бекободликларни меҳмонда мағлубиятга учратди. Сўнгги бор 2010 йилда Юрий Целихнинг дубли эвазига ушбу рақиб майдонидан уч очко олган эдик.
6 - Жамоамизнинг Ўзбекистон чемпионатидаги ғалабалари сони олтитага етди.
8 - Мусобақа жадвалида клубимиз саккизинчи поғонага кўтарилиб олди.
