Мессининг «Олтин тўп»—2019 тақдирлаш маросимидаги нутқи

“Аввалоси менга овоз берган журналистларга ташаккур изҳор этаман. Клуб ва терма жамоадаги барча шерикларимга ушбу йилда қайд этган натижаларимдаги ёрдамлари учун раҳмат айтаман.

Сизлар ушбу мукофотнинг бир қисмисиз. Шахсий ва спортдаги ҳаётим шундай кечаётганидан мамнунман. Йилдан йилга ёшим ҳам катта бўлиб бормоқда. Аммо мен ҳеч қачон энг яхши бўлиш учун меҳнат қилишдан тўхтамайман. Индивидуал совринлар ҳар доим муҳим. Бироқ улар доимо иккинчи даражали. Биринчи ўринда, албатта, жамоавий мақсадлар, совринлар. Бунга эришиш учун ҳар йили ҳаракат қиламан. Ҳамма совринларни ютиш учун курашга шайланаман. Лекин қачондир уларни ютасан, қачондир эса йўқ. Ўзим ёқтирадиган, ўзим яхши кўрган клуб тарихининг бир қисми бўлишдан хурсандман.

Дунёнинг энг яхши клубларидан биридан эканимдан ғурурланаман. «Олтин тўп»дек совринни қўлга киритиш эса бундай клуб номини янада юксакларга кўтаради. Бугун ва яқин кунларда оилам билан буни байрам қиламиз. Кўрамиз бизни олдинда яна нималар кутмоқда экан”, — дейди Месси.