Joriy mavsum argentinalik yulduz raqiblar darvozasiga 36 ta gol urdi. Shulardan 4tasi penaltidan, 6tasi jarima zarbasidan kiritildi. U shuningdek, 13 marta golli uzatma berdi. 2018/2019 yilgi mavsumda eng yaxshi assistentlar ro'yxatida ham Leo "Sevilya" yarim himoyachisi Pablo Sarabiya bilan birga peshqadamlikni qo'lga kiritdi.
Qayd etish kerak, Messi LaLiga to'purari bo'lgan barcha mavsumda "Oltin butsa" sohibiga aylangan:
2009-10 – 34 ta gol
2011-12 – 50 ta gol
2012-13 – 46 ta gol
2016-17 – 37 ta gol
2017-18 – 34 ta gol
2018-19 – 36 ta gol
Lionel Messi "Barselona" safida LaLiga o'yinlarida 419 marta darvozani muvaffaqiyatli o'qqa tutgan. Uning kataloniyaliklar libosidagi ilk goli 2005 yili "Albasete" klubiga qarshi o'yinda kiritilgan.
