Месси билан ҳазиллашган Ўринбоев

Мессининг "базасида" Фарҳод Нишонов шогирдлари майдон эгаларига қарши иккита назорат ўйинида майдонга тушдилар. Битта мағлубият, битта дуранг, сафар учун яхши натижа.

Шу боис, терма жамоа сардори Муҳаммадали Ўринбоевга алоқага чиқдик.

"Аргентинага қарши иккита ўйинимиз сермазмун бўлди. Биринчисида мағлубиятга учрадик, лекин ўйинда тўлиқ улар устун бўлди деб айтмаган бўлардим. Фарқимиз, улар гол уришди. Осиё Кубоги олдидан мураббийимиз турли услубларни синаб оляптилар, масалан бу ўйинда биз рақиб "зонаси"да прессинг қилиб ўйнадик. Бундай кучли жамоага қарши бу услубни ҳамма ҳам қўллайвермайди. Секин секин мақсадимизга эришиб борамиз. Иккинчи ўйинда кўп нарса ўхшади ва биз дуранг қайд этдик.

Мессининг келишини тўғрини ҳеч ким кутмаган, аммо биз учун қизиқарли бўлди. У кўпчиликнинг орзусидаги футболчи. Ўйиндан кейин унга Сен дунёнинг энг яхши футболчисисан, иккинчиси кимлигини биласан десам, ўзи ҳам кулиб юборди", - дейди терма жамоа сардори.

Келаётган Осиё Кубоги олдидан эса Ўринбоев шундай дейди:
"Бу каби рақиблар билан Осиё чемпионатига тайёргарлик олиб бориш қизиқарли ва тажрибага бой. Бунинг учун ЎФА мутасаддиларига жамоадошларим номидан миннатдорчилик билдираман, биз ҳам акаларимиз изидан бориб Сизларни хурсанд қилишга ҳаракат қиламиз", - деди Ўринбоев.