Месси "Барса" учун 750-ўйинини ўткаяпти (тўлиқ статистика)
04 янв 2021 01:40
Янгиликлар

Месси "Барса" учун 750-ўйинини ўткаяпти (тўлиқ статистика)

"Барселона" ҳужумчиси Лионель Месси Испания чемпионатининг 17-тури доирасидаги "Уэска"га қарши ўйинни асосий таркибда бошлади.

Бу 33 ёшли футболчи учун каталон жамоаси таркибидаги 750-расмий ўйин бўлса, Ла Лигадаги 500-си ҳисобланади.

Месси бу борада Хавининг натижасига яқинлашиб қолди. 1998-2015 йилларда "кўк-анорранглилар" шарафини ҳимоя қилган испаниялик хавбек клуб учун 767 ўйин ўтказган (Ла Лигада 505 та).

Месси "Барса"нинг энг яхши тўпурари ҳисобланади. Унинг ҳисобида 644 та гол бор.

Бундан ташқари, аргентиналик форвард Ла Лигадаги ғалабалар (368), голлар (451), асосий таркибда бошланган ўйинлар (444) ва чемпионлик титуллари (10) бўйича каталон футболчилари орасида рекордчи ҳисобланади. У "Барселона" таркибида 2004 йилда (17 ёш) деьют қилган эди.

Қўшимча қилиш керак, Месси Ла Лигада 500 та ўйин ўтказган испаниялик бўлмаган биринчи футболчига айланди.

Ҳавола :

Янгиликларни Телеграмда ўқинг!

Рейтинг: +14