"Мен Саудия Арабистонига йўл олаётганларни тушунаман" — Антуан Гризманн

Мадриднинг "Атлетико" клуби ва Франция терма жамоаси ҳужумчиси Антуан Гризманн йирик шартномалар келиб тушгани учун Саудия Арабистонида ўйнашни уят деб ҳисобламайди.

"Мен Саудия Арабистонига йўл олаётганларни тушунаман – биз ақл бовар қилмайдиган миқдорлар ҳақида гапиряпмиз. Кўп пул топсак-да, баъзилар ўз фарзандлари, невараларини таъминлашни истайди, менимча, бу нормал ҳолат. Улар яхши ўйнашлари, бор иқтидорларини кўрсатишлари ва чемпионликни қўлга киритишлари керак бўлади.

Мени ҳам кўндира олишадими? Мен оилалиман, уч нафар фарзандим бор. Бу қарорни қабул қилиш осон бўлмайди. Лекин биласизми, MLS менинг мақсадим бўлиб қолмоқда", – деди Антун Гризманн.

Эслатиб ўтамиз, Криштиану Роналду ортидан кўплаб юлдузлар араб мамлакатига жўнашди. Булар – Неймар, Карим Бензема, Рияд Марез ва бошқалар.