UZ

Сўнгги янгиликлар

14:12"Интер" "Рома" футболчисини харид қилмоқчи  1 13:43"Ливерпуль" бразилиялик ҳужумчи харидини кўриб чиқмоқда  0 13:05Сергей Чигодаев - Ўзбекистон U-16 терма жамоасининг CAFA U-17 кубогидаги илк ўйини ҳақида  0 12:35"Челси" икки дарвозабонни кўриб чиқмоқда  2 12:04Тен Хаг топ клубга бош мураббий бўлмоқда  3 11:23"Реал" ПСЖ юлдузини харид қилмоқчи  6 11:00Каору Митоманинг янги жамоаси деярли аниқ  3 10:34Кевин Де Брюйне “Наполи“да қанча маош олиши маълум  2 10:08“Майдонда максимал даражада кучимизни сарфлаймиз, бизда ишонч бор” - Дониёр Абдуманнопов “Сурхон”га қарши ўйин, чиройли гол ва Суперкубок ҳақида  2 09:40Васкес фаолиятини Осиёда давом эттириши мумкин  5 09:11Ҳусановнинг собиқ мураббийи Англия жамоасини бошқаради  3 08:43Мбаппе “Олтин бутса“ учун курашда биринчи ўринга чиқиб олди  57 08:17Sofascore. Захирадан майдонга тушиб, ассист қайд этган Файзуллаев неча баҳо олди?  3 08:00Суперлига. "Нефтчи" "Шўртан"ни йирик ҳисобда мағлубиятга учратди. "Сўғдиёна" эса ўз майдонида "Бухоро" билан дуранг ўйнади  2 07:54Суперлига. Бугун 3-та учрашув бор  7

Мен Купер эмасман Янгиликлар

Мен Купер эмасман

Кеча Япония - Ўзбекистон учрашуви олдидан ўтказилган матбуот анжуманида Эктор Купер бир гапни кўп такрорлади.

Яъни, терма жамоамиз бош мураббийи Осиё Кубогининг 1/8 финалида рақиб танламаймиз ва кимга қарши ўйнашнинг фарқи йўқ деди. Албатта, бу бош мураббийнинг фикри ва уни ҳурмат қиламиз. Лекин шу ўринда ўз фикримни айтадиган бўлсам, тўғриси 1/8 финалда мен рақиб танлаяпман ва бу жамоа Австралия бўлмаслигини хоҳлайман. 

Эҳтимол Австралия зўрға гуруҳдан чиққандек кўриниши мумкин, бироқ амалда улар анча кучли. Қолаверса, Австралия биз билан ўйинларда доим омадли бўлган. Бу жамоага гол урганимизни эслай олмадим. Шу боис гуруҳни пешқадам сифатида тугатиб Қатар ёки Саудия Арабистони билан ўйнаганимиз маъқул. 

Тўғри, Австралияга қарши ўйнашни хоҳлаётганлар ҳам кам эмас. Бу ўринда кўпчилик 2011 йил рўй берган ўша 0:6 ҳисобидаги мағлубият аламини олиш ҳақида гапиряпти. Мағлубият аламини олишимиз мумкин, лекин бунга ҳали озгина бор деб ўйлаймиз. Ҳар ҳолда улар билан сал кейинроқ, кейинги босқичларда тўқнаш келганимиз маъқул. 

Ҳозирча эса биз учун энг қулай рақиб араблардан бири бўлса керак: майли Қатар ёки Саудия Арабистонидан бири бўла қолсин. Чунки биз арабларга қарши тўп тепганда кўпроқ ишончга эга бўламиз ва омадлимиз. Фақат бунинг учун Япония билан кечадиган беллашувда ютқазмаслигимиз керак бўлади. Шундагина гуруҳ пешқадамлигини сақлаб қоламиз.

Агар бугунги баҳсни ижобий якунласак, ундан сўнг кейинги босқичдаги рақибимизни кутамиз. Чунки Қатар - Саудия Арабистони баҳси бизнинг ўйин тугашига оз қолганида бошланади. Уёғи эса ўзингизга боғлиқ: хоҳланг у жамоага мухлислик қилинг, хоҳланг бунисига. 

Ҳар ҳолда бу борада мен Купер эмасман ва айнан 1/8 финал учун рақиб танлайман. Ва истардимки, кейинги босқичда Австралия бизга  тушмасин.

Муаллиф : Xayrulla Xoliqov
Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика