Мэддисон жароҳати сабаб узоқ муддат майдонга туша олмайди

Жэймс Мэддисон келаси мавсумга тайёргарликни ўтказиб юбориши ҳам мумкин. "Тоттенхем" ярим ҳимоячиси ўтган ҳафта Европа лигасининг "Буде-Глимт"га қарши ўйинида тиззасидан жароҳат олди.

BBC маълумотларига кўра, инглиз футболчиси уч ой давомида майдондан четда қолиши кутилмоқда. Бироқ, унга жарроҳлик амалиёти керак бўлмаслиги таъкидланган.

Мэддисон бу мавсумда Англия Премьер лигасида 31 та ўйинда иштирок этиб, 9 та гол урди ва 7 та гол узатмасини берди.